O‘zbekiston Oliy Majlisi Qonunchilik palatasi spikeri Nuriddin Ismoilov boshchiligidagi parlament delegatsiyasi 19—20-fevral kunlari Rossiyada bo‘ladi. Bu haqda parlament quyi palatasi matbuot xizmati xabar berdi.
Tashrif dasturiga muvofiq, O‘zbekiston parlamenti delegatsiyasining Rossiya davlat dumasi raisi Vyacheslav Volodin hamda Rossiya Federal Majlisi federatsiya kengashi raisi Valentina Matviyenko bilan uchrashuvlar rejalashtirilgan.
Bo‘lajak uchrashuvlarda parlamentlararo aloqalarni yanada kengaytirish va mustahkamlash, bu yo‘nalishdagi hamkorlikni kuchaytirish masalalariga alohida e’tibor qaratiladi.
Shuningdek, O‘zbekiston Oliy Majlisi Qonunchilik palatasining Rossiya Federal Majlisining davlat dumasi bilan hamkorlik bo‘yicha parlamentlararo komissiyasining birinchi majlisi bo‘lib o‘tishi nazarda tutilgan.
Mazkur tashrif Rossiya parlamenti delegatsiya a’zolarining Oliy Majlis Qonunchilik palatasida (2022-yil, noyabr) bo‘lib o‘tgan uchrashuvi davomida rejalashtirib olingan edi.
Eslatib o‘tamiz, 2023-yil sentyabrda O‘zbekiston va Rossiya hukumat rahbarlari darajasidagi Qo‘shma komissiyaning navbatdagi majlisi bo‘lib o‘tgandi. Unda ikki mamlakat o‘rtasidagi savdo-iqtisodiy, sarmoyaviy va madaniy-gumanitar hamkorlikning keng ko‘lamli masalalarini ko‘rib chiqilgan.
Izoh (0)