The New South Wales tez yordam xizmati xodimi Dominik Vong jurnalistlarga Sidney botanika bog‘idagi hodisadan so‘ng jabrlanganlar kuyish va yurak yetishmovchiligi alomatlarini boshdan kechirganini ma’lum qilgan. Bu haqda Al Jazeera xabar berdi.
To‘rt nafar shaxs, jumladan, 36 yoshli er-xotin va 19 yoshli yigit dushanba kuni kuchli bo‘ron paytida Sidney Opera teatri yaqinidagi daraxt tagida pana joy qidirgan vaqtida ularni yashin urgan. “Ularning barchasi bir lahza hushini yo‘qotdi”, dedi Vong. Ularga voqea joyida tibbiy yordam ko‘rsatilgandan so‘ng kasalxonaga olib ketilgan, hozirda ularning ahvoli “og‘ir va barqaror”, deydi rasmiylar.
Dushanba kuni Sidneyda kuchli momaqaldiroq tufayli 10 000 dan ortiq uy xo‘jaliklari va korxonalar elektr taʼminotisiz qoldi va havo, avtomobil va temiryo‘l yo‘lovchilari uchun katta kechikishlarga sabab bo‘ldi.
Weatherzone’ning Total Lightning Network ma’lumotlariga ko‘ra, Avstraliyaning eng yirik shahridan 100 km masofada soat 11:00 dan 14:00 gacha 75 mingga yaqin chaqmoq urishi aniqlangan.
Sidney aeroportining asosiy uchish-qo‘nish yo‘lagi kunning boshida chaqmoq zarbasi uchish-qo‘nish yo‘lagidagi teshikni yorib yuborganidan keyin taxminan 20 daqiqaga yopildi, natijada 30 dan ortiq parvozlar bekor qilindi va 340 ga yaqin reys kechiktirildi.
Izoh (0)