Hindiston sharqidagi Odisha shtatida kuchli yomg‘ir paytida chaqmoq urishi oqibatida kamida 10 kishi halok bo‘ldi. Bu haqda Sinxua xabar berdi.
Tabiiy ofat oqibatida uch kishi jiddiy jarohat olgan. Xurda okrugida to‘rt kishi, Bolangirda ikki kishi, Angul, Budha, Jagatsingxpur va Dxankanalda bir kishidan halok bo‘lgan.
Bundan tashqari, Xurdada yashin urishi oqibatida uch kishi jabrlangan. Hindiston meteorologiya departamenti shtatning ayrim hududlarida bunday ob-havo yana to‘rt kun davom etishini taxmin qilmoqda.
- Eslatib o‘tamiz, iyun oyidan beri Hindistonning Himachal-Pradesh shtatida kuchli yomg‘irlar oqibatida yuzaga kelgan ko‘chki va toshqinlar tufayli 350 ga yaqin odam halok bo‘ldi.
Izoh (0)