Koronavirusga qarshi vaksina olganlarda yurak-qon tomir kasalliklari xavfi ortib bormoqda — Global Vaccine Data Network

Vaksinalar xavfsizligini tadqiq qiluvchi Global Vaccine Data Network markazi xulosalariga ko‘ra, koronavirusga qarshi vaksina olganlarda nevrologik va yurak-qon tomir kasalliklari xavfi ortib bormoqda.

Tadqiqot markazi xodimlari koronavirusga qarshi emlangan 8 mamlakatdagi 99 million kishining maʼlumotlarini o‘rganishdi.

Tadqiqot shuni ko‘rsatdiki, mRNK vaksinalarini olganlarda (Pfizer, BioNTech va Moderna) miokardit kasalligining rivojlanish ehtimoli kutilganidan ko‘ra ko‘proq.

Olimlar, shuningdek, AstraZeneca kompaniyasining Vaxzevria vektorli vaksinasi bilan emlashdan keyin Giyena-Barre sindromi bilan kasallanish holatlari ko‘payganini aniqladilar.

Giyena-Barre sindromi kamdan kam uchraydigan kasallik bo‘lib, unda tananing immunitet tizimi o‘z periferik nervlariga hujum qilib, ishdan chiqaradi.

Bundan tashqari, vektorli vaksinaning qo‘llanishidan keyin mielit kasalligining ortishi aniqlandi.