Finlyandiya o‘z hududida AQSH yadroviy arsenalini joylashtirish zaruriyatini ko‘rmayapti.
Bu haqda Finlyandiya bosh vaziri Petteri Orpo Polshaning Rzeczpospolita gazetasiga bergan intervyusida ma’lum qildi.
Uning so‘zlariga ko‘ra, Finlyandiya NATO doirasida o‘z vazifalarini bajarishga puxta hozirlik ko‘rmoqda va alyansga potensial tahdidlarni oddiy qurollar yordamida bartaraf etish uchun hozirdanoq tayyorgarlik ko‘rmoqda.
“AQSH yadroviy qurolini Finlyandiyada joylashtirishga ehtiyoj yo‘q, chunki NATOning o‘zi yadroviy tiyib turishni eplaydi. Yadro qurollari alyansning bir qancha mamlakatlarida joylashtirilgan va buning o‘zi kifoya”, — dedi u.
Dekabr oyida Finlyandiya hukumati AQSH bilan shartnoma imzolagan bo‘lib, unga ko‘ra Pentagon Finlyandiyaning jami 15 ta harbiy obyektiga kirish huquqiga ega bo‘lgandi. Amerikaliklar u yerda qo‘shin, qurol va texnikani joylashtirishi mumkin.
Izoh (0)