Turkiyaning 16 viloyatida o‘tkazilgan “Bozdo‘g‘on-2” aksilterror operatsiyasi doirasida 120 kishi qo‘lga olindi. Bu haqda mamlakat ichki ishlar vaziri Ali Yerlikaya ma’lum qildi.
Uning qayd etishicha, qo‘lga olinganlar Suriyadagi terrorchilik guruhlari bilan aloqador bo‘lishda, terrorizmni targ‘ib qilishda va noqonuniy ko‘cha aksiyalarini uyushtirishga chaqirganlikda gumon qilinmoqda.
Operatsiya davomida xavfsizlik kuchlari qurol va aloqa vositalarini qo‘lga kiritdi.
14-fevral kuni Turkiyada o‘zi bilmagan holda qotilga yordam bergan o‘zbekistonlik qamoqqa olingani xabar qilingandi. U tanishiga uydan chiqindilarni olib chiqishda ko‘maklashgan. Keyinchalik aniqlanishicha, chiqindixonaga tashlangan gilam ichida Turkiya fuqarosining jasadi bo‘lgan.
Izoh (0)