Ukrainaning Turkiyadagi elchisi Vasiliy Bodnarning aytishicha, ukrainalik mutaxassislar turkiyalik beshinchi avlod qiruvchi samolyotini yaratishda ishtirok etmoqda va keyinchalik uni sotib olishni rejalashtirmoqda. Mazkur samolyotlarni to‘rt yildan keyin ommaviy ishlab chiqarish boshlanadi.
“Men ishonamanki, KAAN F-35 va F-22 samolyotlari bilan raqobat qilish uchun barcha imkoniyatlarga ega, bu kelajak aviatsiyasi. Agar biz buni muvaffaqiyatli amalga oshira olsak va bu jarayonga uchinchi tomonlar ta’sirining oldini ololsak, mintaqadagi eng qudratlilardan biriga aylanamiz”, — dedi Vasiliy Bodnar CNN Turk bilan suhbatda.
Qiruvchi samolyotlarni birgalikda ishlab chiqish bo‘yicha muzokaralar Rossiya-Ukraina harbiy mojarosi boshlanishidan oldin boshlangan. Loyihalashda Ukraina kompaniyalari konsorsiumi ishtirok etmoqda. Ukrainada allaqachon Turkiyaning Bayraktar TB2 dronlarini, shuningdek, Eronning Shahed 136 kabi kamikadze dronlarini ishlab chiqarish yo‘lga qo‘yilgan.
Izoh (0)