Nyu York sudi AQSHning 45-prezidenti Donald Trampni fuqarolik firibgarligi bo‘yicha aybdor deb topdi. Unga 354,9 million dollar to‘lash majburiyati yuklandi.
Shuningdek, sudya Artur Engoron Trampga Nyu Yorkdagi istalgan korporatsiyada uch yilgacha xodim yoki direktor sifatida ishlashni taqiqladi, deb xabar bermoqda Reuters. Sobiq prezidentning o‘g‘illari kichik Donald va Erik Tramp esa 4 million dollardan to‘lashlari kerak.
Sudya qarorida aytilishicha, Tramp va ish bo‘yicha boshqa ayblanuvchilar “o‘z harakatlari noto‘g‘ri ekanligini tan olmadi”.
Sobiq prezidentning advokati Alina Habba qarorni adolatsiz deb atadi.
Bu faqat Donald Trampga tegishli emas. Agar bu qaror o‘z kuchida qolsa, u har bir amerikalikka Nyu York endi biznes uchun ochiq emasligini anglatadi, — deyiladi advokat bayonotida. Himoyachi apellyatsiya berish niyatida.
Da’vo Nyu York bosh prokurori, demokrat Letitia Jeyms tomonidan berilgan. U Donald Trampni banklardan yanada qulayroq shartlarda kredit olish uchun 10 yil davomida boyligini 3,6 milliard dollarga oshirib yuborganlikda aybladi. Sobiq prezident o‘z aybini tan olmadi va da’voni siyosiy motivli deb hisobladi.
Izoh (0)