Qirg‘izistonda Yevropa Ittifoqi va Markaziy Osiyo davlatlari vakillarining Afg‘oniston bo‘yicha uchrashuvi bo‘lib o‘tdi. Bu haqda Sputnik xabar berdi.
Uchrashuvda Birlashgan Millatlar Tashkiloti bosh kotibining maxsus vakili va tashkilotning Afg‘onistondagi UNAMA o‘rinbosari delegatsiyasi rahbari Roza Otunbayeva ham ishtirok etdi.
Yevropa Ittifoqining mintaqadagi vakili Afg‘onistonda uzoq muddatli tinchlik va barqarorlikni ta’minlash bo‘yicha hamkorlik muhokama qilinganini aytdi.
Bu uchrashuv Afg‘oniston bo‘yicha maxsus vakillarning Dohadagi uchrashuvi oldidan bo‘lib o‘tdi.
18 va 19-fevral kunlari Dohada Afg‘oniston bo‘yicha davlatlar maxsus vakillarining ikkinchi uchrashuvi bo‘lib o‘tadi. Unga BMT bosh kotibi Antoniu Guterrish mezbonlik qiladi. Uchrashuvda BMT Xavfsizlik kengashining 2721-rezolyutsiyasiga asoslangan “Afg‘onistonni mustaqil baholash” hisobotidagi takliflar ko‘rib chiqiladi.
Yevropa Ittifoqining Afg‘oniston bo‘yicha maxsus vakili Tomas Nikolson Dohadagi uchrashuvni Afg‘oniston bo‘yicha mazmunli muzokaralar uchun muhim imkoniyat deb atagan edi.
Izoh (0)