Qirg‘iziston, Qozog‘iston va Tojikistonda Kollektiv xavfsizlik shartnomasi tashkiloti (KXSHT) mashg‘ulotlari bo‘lib o‘tadi. Bu haqda tashkilotning birlashgan shtabi boshlig‘i Andrey Serdyukovga tayanib, “Interfaks” xabar berdi.
Markaziy Osiyodagi uchta respublikada oltita tadbir o‘tkazilishi rejalashtirilgan.
Qirg‘iziston hududida KXSHTning operativ javob berish kollektiv kuchlari bilan “O‘zaro hamkorlik-2024”, razvedka kuchlari va vositalari bilan “Qidiruv-2024”, moddiy-texnik ta’minlash vositalari va qo‘shinlar bilan “Eshelon-2024” maxsus mashqlari o‘tkaziladi, — deydi Serdyukov.
Unga ko‘ra, Tojikistonda Markaziy Osiyo mintaqasida kollektiv kuchlar qo‘mondonligi bilan “Rubej-2024” qo‘shma mashg‘ulotlari rejalashtirilgan. Qozog‘istonda esa “Buzilmas birodarlik-2024” qo‘mondonlik-shtab o‘quv mashg‘ulotlari bo‘lib o‘tadi.
Mashg‘ulotlarning faol bosqichlarida KXSHTga a’zo bo‘lmagan boshqa davlatlar, shuningdek, xalqaro tashkilotlar vakillari kuzatuvchi sifatida ishtirok etishi kutilmoqda.
Izoh (0)