O‘zbekistonda advokatlik byurolari, firmalari va hay’atlarini ro‘yxatdan o‘tkazishda davlat boji kamaytirildi.
Prezident tomonidan 7-fevral kuni imzolangan qonun bilan “Davlat boji to‘g‘risida”gi qonunga ayrim o‘zgartirish va qo‘shimchalar kiritildi.
Xususan, advokatlik byurolarini, advokatlik firmalarini va advokatlar hay’atlarini ro‘yxatdan o‘tkazish (qayta ro‘yxatdan o‘tkazish) hamda yuridik maslahatxonalarni qayta ro‘yxatdan o‘tkazish funksiyalari adliya organlaridan Davlat xizmatlari markazlariga o‘tkazildi.
Shuningdek, ularni ro‘yxatdan o‘tkazganlik uchun to‘lanadigan davlat boji miqdorlari kamaytirildi. Jumladan, advokatlik byuro, firma va hay’atlar ro‘yxatdan o‘tkazilganda davlat boji BHMning 1 baravari (340 ming so‘m) etib belgilandi. Ilgari BHMning 2 baravari edi.
Bundan tashqari, bog‘dorchilik-uzumchilik shirkatlarini, matlubot, ishlab chiqarish va qishloq xo‘jaligi kooperativlarini ro‘yxatdan o‘tkazish (qayta ro‘yxatdan o‘tkazish) ham Davlat xizmatlari markazlarining zimmasiga yuklatildi.
Izoh (0)