Ўзбекистонда адвокатлик бюролари, фирмалари ва ҳайъатларини рўйхатдан ўтказишда давлат божи камайтирилди.
Президент томонидан 7 февраль куни имзоланган қонун билан “Давлат божи тўғрисида”ги қонунга айрим ўзгартириш ва қўшимчалар киритилди.
Хусусан, адвокатлик бюроларини, адвокатлик фирмаларини ва адвокатлар ҳайъатларини рўйхатдан ўтказиш (қайта рўйхатдан ўтказиш) ҳамда юридик маслаҳатхоналарни қайта рўйхатдан ўтказиш функциялари адлия органларидан Давлат хизматлари марказларига ўтказилди.
Шунингдек, уларни рўйхатдан ўтказганлик учун тўланадиган давлат божи миқдорлари камайтирилди. Жумладан, адвокатлик бюро, фирма ва ҳайъатлар рўйхатдан ўтказилганда давлат божи БҲМнинг 1 баравари (340 минг сўм) этиб белгиланди. Илгари БҲМнинг 2 баравари эди.
Бундан ташқари, боғдорчилик-узумчилик ширкатларини, матлубот, ишлаб чиқариш ва қишлоқ хўжалиги кооперативларини рўйхатдан ўтказиш (қайта рўйхатдан ўтказиш) ҳам Давлат хизматлари марказларининг зиммасига юклатилди.
Изоҳ (0)