“Al-Ittihod” hujumchisi Karim Benzema bosh murabbiy Marselo Galyardo bilan kelisha olmayapti.
Marca nashrining xabariga ko‘ra, Karim dushanba kuni jamoa bilan mashg‘ulotlarda ishtirok etgan. Biroq, murabbiy undan individual shug‘ullanishni ham talab qilgan. Benzema esa bosh tortib, jahli chiqqan holda mashg‘ulotlar bazasini tark etgan.
Shu sababli 36 yoshli futbolchi chempionatning navbatdagi o‘yini “At-Tai”ga qarshi bahs (3:0) qaydnomasidan tushib qolgan.
Eslatib o‘tamiz, Benzema “Al-Ittihod” bazasiga 17 kun kechikib kelgan va bu klubni g‘azablantirgandi. Hujumchining atrofidagilar Karim “Mavrikiydagi dovul tufayli” o‘z vaqtida kelmaganini da’vo qilishsa-da, rahbariyat uni jamoa yig‘inidan chetlatgan edi.
“Al-Ittihod”ning navbatdagi o‘yini OCHL doirasida “Navbahor”ga qarshi bo‘lib o‘tadi. Uchrashuv 15-fevral kuni Namanganda o‘tkaziladi.
Izoh (0)