Namanganda 112 nafar ayol bolalari uchun aliment to‘layotgani maʼlum bo‘ldi

Namanganda 112 nafar ayol voyaga yetmagan bolalari uchun aliment to‘lamoqda. Bu haqda MIB viloyat boshqarmasi inspektori Odiljon Murodxo‘jayev maʼlum qildi, deya xabar beradi “Daryo” muxbiri Azizbek Abduvaliyev.

Qayd etilishicha, 2023-yilda ular tomonidan 174,2 million so‘m aliment to‘lab berilgan.

“Sudning hal qiluv qaroriga ko‘ra farzandlar ona yoki ota qaramog‘ida qolishi belgilanadi. Bugungi kunda ish yuituvimizda 25 mingga yaqin aliment bilan bog‘liq hujjatlar mavjud bo‘lsa, ulardan 112 nafar ayol farzandlari uchun aliment to‘lovchi hisoblanadi”, — deydi Odiljon Murodxo‘jayev.

Maʼlum bo‘lishicha, 2023-yil davomida viloyatda 12 nafar ayol voyaga yetmagan bolalarini moddiy taʼminlashdan bo‘yin tovlagani uchun ularga nisbatan maʼmuriy jazo choralari qo‘llangan va turli miqdordagi jarimalar belgilangan.