Наманганда 112 нафар аёл вояга етмаган болалари учун алимент тўламоқда. Бу ҳақда МИБ вилоят бошқармаси инспектори Одилжон Муродхўжаев маълум қилди, дея хабар беради “Дарё” мухбири Азизбек Абдувалиев.
Фото: Хамдам Мамадалиев
Қайд этилишича, 2023 йилда улар томонидан 174,2 миллион сўм алимент тўлаб берилган.
“Суднинг ҳал қилув қарорига кўра фарзандлар она ёки ота қарамоғида қолиши белгиланади. Бугунги кунда иш юитувимизда 25 мингга яқин алимент билан боғлиқ ҳужжатлар мавжуд бўлса, улардан 112 нафар аёл фарзандлари учун алимент тўловчи ҳисобланади”, — дейди Одилжон Муродхўжаев.
Маълум бўлишича, 2023 йил давомида вилоятда 12 нафар аёл вояга етмаган болаларини моддий таъминлашдан бўйин товлагани учун уларга нисбатан маъмурий жазо чоралари қўлланган ва турли миқдордаги жарималар белгиланган.
Изоҳ (0)