Birinchi turk kosmonavti Alper Gezeravjining Yerga qaytishi uchinchi marta qoldirildi. Bu haqda SpaceX’ning X ijtimoiy tarmog‘idagi sahifasida ma’lum qilingan.
Xalqaro kosmik stansiyadan Crew Dragon’ning Yerga tushirilishi 6-fevralga mo‘ljallangandi. Ammo Florida qirg‘oqlari yaqinida noqulay ob-havo sharoiti davom etayotgani sababli bu parvoz boshqa sanaga ko‘chirildi.
3-fevral kuni SpaceX kompaniyasi Ax-3 ekipajining qaytishi 5-fevralga ko‘chirilganini e’lon qilgandi. Bundan bir kun o‘tib, Crew Dragon kosmik kemasi Xalqaro kosmik stansiyadan 6-fevralda uchib ketishi ma’lum bo‘ldi.
Eslatib o‘tamiz, Crew Dragon kosmik kemasi 19-yanvar kuni Xalqaro kosmik stansiyaga jo‘natilgan edi.
Taxminan 36 soatlik parvozdan so‘ng kosmik kema XKS bilan muvaffaqiyatli tutashdi. Ax-3 ekipaji tarkibida turli mamlakatlar kosmonavtlari — Maykl Lopes-Alegria (AQSH), Valter Vilyadei (Italiya), Markus Vandt (Shvetsiya) va Alper Gezeravchi (Turkiya) bo‘lgan.
Izoh (0)