Kosmosda 371 kun bo‘lgan NASA astronavti Frenk Rubio “Soyuz MS-23” kosmik kemasida Yerga qaytdi va orbitada eng ko‘p vaqt bo‘lgan amerikalik astronavtlar orasida rekord o‘rnatdi. Bu haqda NASA xabar berdi.
Rubio o‘zining rossiyalik hamkasblari — Sergey Prokopyev va Dmitriy Petelin bilan birga Qozog‘istonning Jezkazgan shahri janubi-sharqiga parashyut bilan xavfsiz qo‘ngan.
“To‘g‘risi, men uchun xotinim va bolalarimni quchoqlash eng muhimi bo‘lishi aniq va, ehtimol, birinchi kunlarda shu narsaga eʼtibor qarataman”, — degan Rubio.
“Soyuz MS-23” ekipaji tom ma’noda koinotda “tiqilib qolgan” va bir yildan ko‘proq vaqt davomida orbitada bo‘lib, sayyora bo‘ylab 5936 marta aylangan, chunki kosmonavtlarni birinchi urinishda Yerga qaytarib bo‘lmagan.
Ularni Yerga qaytarishi kerak bo‘lgan qurilma kosmik qoldiqlar bilan to‘qnashib, xavfli zarar ko‘rgan. Oqibatda Rubio, kutilmagan holda, orbitada 168 kun vaqt o‘tkazgan NASA’dagi hamkasbi Mark Vande Xaydan o‘zib ketgan.
Prokopyev va Petelin ham bir yildan ko‘proq vaqt davomida orbitada “qolib ketgan”, ammo ular ruslar orasida rekordchi bo‘lmadi: kosmonavt Valeriy Polyakov 1990-yillarning o‘rtalarida “Mir” orbital stansiyasida 437 kun faoliyat olib borgan.
