А Серия. “Интер” турнинг марказий ўйинида “Ювентус” устидан кичик ҳисобда ғалаба қозонди

Футбол бўйича Италия А Сериясининг 23-туридан ўрин олган ўйинда “Интер” 4 февраль, якшанба куни “Ювентус”га қарши баҳс олиб борди.

Учрашувнинг 37-дақиқасида туринликлар футболчиси Федерико Гатти автогол муаллифига айланди ва “Интер”нинг ҳисобни очишига сабабчи бўлди. Қолган дақиқаларда эса дарвозалар дахлсизлиги сақланиб қолиб, “нераззури” кичик ҳисобдаги ғалабани расмийлаштирди.

Ушбу ғалабадан сўнг “Интер” очколари сонини 57 тага етказди ва 1-ўринни мустаҳкамлади. “Ювентус” эса 53 очко билан 2-ўринда бормоқда.

А Серия

23-тур баҳси

4 февраль, якшанба

“Интер” – “Ювентус” 1:0

Гол: 1:0 – 37 Гатти (автогол).

“Интер”: Зоммер, Дармиан (Думфрис, 73), Ачерби, Павар, Бастони (де Врей, 89), Димарко (Карлос Аугусто, 73), Мхитарян, Чалҳанўғлу, Барелла (Классен, 89), Тюрам (Арнаутович, 77), Мартинес.

“Ювентус”: Шенсни, Камбязо (Миретти, 88), Данило, Бремер, Гатти (Алекс Сандро, 88), Алкарас, Костич (Веа, 66), Рабьо, Локателли, Маккенни, Йилдиз (Кьеза, 66), Влаҳович.

Огоҳлантиришлар: Влаҳович (18), Данило (32), Мхитарян (51), Тюрам (77), Инзаги (79), Бремер (88).