Ijtimoiy tarmoqda Toshkent shahar Yunusobod tumanidagi 255-sonli davlat maktabgacha ta’lim tashkiloti tarbiyalanuvchisiga guruh tarbiyachi yordamchisi tomonidan tan jarohati yetkazilgani to‘g‘risida xabarlar tarqaldi. XTB holat yuzasidan ma’lumot berdi.
Mazkur holat yuzasidan Toshkent shahar maktabgacha va maktab ta’limi boshqarmasi Ishchi guruhi o‘rganish olib bordi. Unga ko‘ra, 255-sonli davlat maktabgacha ta’lim tashkilotida psixolog mutaxassislar ishtirokida 10-guruh tabriyalanuvchisi S.A. bilan suhbat o‘tkazilgan. Yakunda yuqoridagi xabar o‘z tasdig‘ini topmadi.
Mazkur xabar e’lon qilingach, tashkilot ma’muriyati tomonidan yig‘ilish o‘tkazilib, xodimlarga ichki tartib-qoidalar yana bir bor eslatilgan. Shuningdek, tarbiyalanuvchilar bilan o‘zaro munosabatlarda odob-axloq qoiadalariga qat’iy amal qilish bo‘yicha tushuntirishlar olib borilgan.
Izoh (0)