Ижтимоий тармоқда Тошкент шаҳар Юнусобод туманидаги 255-сонли давлат мактабгача таълим ташкилоти тарбияланувчисига гуруҳ тарбиячи ёрдамчиси томонидан тан жароҳати етказилгани тўғрисида хабарлар тарқалди. ХТБ ҳолат юзасидан маълумот берди.
Мазкур ҳолат юзасидан Тошкент шаҳар мактабгача ва мактаб таълими бошқармаси Ишчи гуруҳи ўрганиш олиб борди. Унга кўра, 255-сонли давлат мактабгача таълим ташкилотида психолог мутахассислар иштирокида 10-гуруҳ табрияланувчиси С.А. билан суҳбат ўтказилган. Якунда юқоридаги хабар ўз тасдиғини топмади.
Мазкур хабар эълон қилингач, ташкилот маъмурияти томонидан йиғилиш ўтказилиб, ходимларга ички тартиб-қоидалар яна бир бор эслатилган. Шунингдек, тарбияланувчилар билан ўзаро муносабатларда одоб-ахлоқ қоиадаларига қатъий амал қилиш бўйича тушунтиришлар олиб борилган.
Изоҳ (0)