Joriy yining 17-fevralida Hyatt Regency Tashkent mehmonxonasida raqamli marketing bo‘yicha konferensiya bo‘lib o‘tadi. Bu O‘zbekiston marketingi uchun asosiy voqea bo‘lib, bu yil u noyob formati bilan ajralib turadi.
Forum bir kunda ikkita o‘ta yirk professional hamjamiyatlarni: brendlar, agentliklar vakillari va blogerlarni jamlaydi.
«Konferensiyada ikkita sessiya bo‘ladi: Marketing session va Influencer session. Kunning birinchi yarmida biz kirib kelgan yildagi voqelikni, trendlar va digital-marketing imkoniyatlarini muhokama qilamiz,- deydi forum tashkilotchisi, O‘zbekiston marketing uyushmasining raisi Diyor Mirzaahmedov. — U jonli muloqot, dolzarb mavzular, ilgarilatishning zamonaviy vositalariga oid savollarga javoblarni o‘z ichiga oladi – bularning barini birinchi marta o‘tgan yildagi digital-konferensiyada amalga oshirdik va mana shu format optimal ekanligini tushundik.
Kunning ikkinchi yarmida raqamli kontentni yaratish va rivojlantirishga daxldor bo‘lgan barchaga birgalikda yig‘ilish va internetdagi kontent sifati, shuningdek fikrlar yetakchilari va blogerlar orqali brendlarni ilgarilatish bilan bog‘liq dolzarb masalalarani muhokama qilish imkoniyatini bermoqchimiz. Tajribali ekspertlar o‘z keyslari bilan o‘rtoqlashadilar va o‘z blogini yuritishni endi boshlayotganlargagina emas, balki muayyan muvaffaqiyatga erishganlarga ham maslahatlar beradilar. Forum “Influencer Awards 2023” mamlakatning eng yaxshi blogerlarini tantanali taqdirlash marosimi bilan yakunlanadi.
Ikkinchi raqamli forum bu yil O‘zbekiston, AQSH, Qozog‘iston, Qirg‘iziston, Rossiyadan ko‘p yillik tajribaga ega va O‘zbekistonning yetakchi jahon brendlari bilan ishlovchi 20 nafar yetakchi spikerlarini jamlaydi. O‘zbekistonning eng yaxshi blogerlari, yetakchi agentliklar vakillari inflyuens-marketing trendlari haqida so‘z yuritadilar.
17-fevraldagi taqdirlash marosimida Influencer Awards 2023 ning o‘zbek va rus tillardagi 26 ta nominatsiya bo‘yicha g‘oliblari e'lon qilinadi. Bu O‘zbekiston blogerlarini eng keng ko‘lamdagi taqdirlash marosimi bo‘ladi.
Forus spikerlari qatorida bir qator taniqli insonlar bor.
Aleksey Belyaev, Interaktiv reklamani rivojlantirish uyushmasining vitse-prezidenti, tadqiqotlar bo‘yicha industrial qo‘mitasi rahbari, VK tijorat departamenti tadqiqotlar bo‘yicha direktori (Rossiya)
Aleksey sohada 1995-yildan buyon ishlaydi. “Rosbizneskonsalting” RAA, “Rambler”da ishlagan, Internet va Biznes uyushmasiga rahbarlik qilgan. 2008-2015-yillarda o‘sha paytdagi yirik reklama sotuvchisi bo‘lgan “Video-Interneshnl” internet-tahlil markazi tadqiqotlar bo‘limini boshqargan. 2015-yildan boshlab VK (Mail.ru Group) tijorat departamentida tahlil va tadqiqotlar bilan shug‘ullangan. 2012-yildan Interaktiv reklamani rivojlantirish uyushmasi (avvalgi IAB Russia)da tadqiqotlar qo‘mitasiga rahbarlik qiladi, Rossiya interaktiv reklama bozorini baholashni ishlab chiqadi va yetakchilik qiladi.
Ma'ruza mavzusi: RF bozori misolida interaktiv reklama bozorini baholash: yondashuvlar, murakkabliklar, istiqbollar.
Interaktiv reklamaga yildan-yilga o‘sib borayotgan investitsiyalar va onlayn-marketing haqida ko‘pchilik gapiradi, lekin bozor hajmlari va o‘sish dinamikasining o‘zaro muvofiq miqdoriy baholanishiga ega bo‘lish muhim – g‘alaba shodiyonalari emas, aynan raqamlar bozorning shaffofligini, reklama beruvchilarning ishonchini oshiradi va, pirovardida, uning rivojlanishini jadallashtiradi.
Bunday bahoni qanday barpo etish va bunda o‘zaro urishib qolmaslik haqida Rossiya interaktiv reklama bozori misolida so‘z yuritmoqchiman.
Nataliya Tuygunova, “LiveDune” ijtimoiy tarmoqlarni boshqarish servisi ambassadori, media-ekspert (Rossiya)
“LiveDune” — ijtimoiy tarmoqlarni tahlil qilish va boshqarish servisi, mashhur veb-tahlil kompaniyalari ma'lumotlariga ko‘ra, Markaziy Osiyoda soha yetakchisi. Servis mijozlari sirasida: VK, “Rambler” internet-xoldingi, Redmond, “Leroy Merlin”.
Ma'ruza mavzusi – SMM uchun obihayot — afsun yordamida katta va sifatli auditoriyaga ega bo‘lish yo‘llari:
- ideal SMM retsepti qanday ko‘rinadi;
- auditoriyaning og‘riqli nuqtasini izlaymiz;
- industriya yetakchilarida qanday kontent obro‘ga ega – tadqiqot;
- O‘zbekiston ijtimoiy tarmoqlari akkauntlarining benchmarklari;
- SMM trendlari.
Anton Kim, “ForteBank” marketing direktori (Qozog‘iston)
Marketer, kreativ industriyalar bo‘yicha ekspert va “Forte”da kreativ ishlar uchun mas'ul asosiy shaxs. Portfelida turli festivallardan 140 dan ziyod sovringa ega: Cannes Lions, AdStars, Epica, Spikes Asia, RedApple, RedDot, WhiteSquare, AdBlackSea, KIAF, WowDone, RedJolbords.
Ma'ruza mavzusi: Chegaradagi bank marketingi.
“Tashkent Digital Marketing Forum” kabi keng ko‘lamli industrial iventlar mintaqamizdagi professional hamjamiyatning ekspertizasi va ijodiy qudratini rivojlantirish uchun juda muhim. Bunday tadbirlarga imkon qadar ko‘proq mutaxassislarni jalb qilish, o‘z ishlarimiz orqali bir-birimizni raqobatning yuqori darajasiga undash, marketingni keng ko‘lamliroq qilish istagini uyg‘otish, pirovardida butun dunyoda taniqliroq bo‘lish katta ahamiyatga ega.
Umid Gafurov, “Tanish-Bilish” kreativ agentligi asoschisi, “Troll.uz”, “Tirikchilik”, “Pakapak” loyihalari muallifi (O‘zbekiston). Umid media sohasida 10 yildan ziyod ish tajribasiga ega.
Ma'ruza mavzusi – Tirikchilik huquqi asosida:
— kontentning o‘z maqomiga ega bo‘lishi;
— reklama bozori va uning istqibollari;
— monetizatsiyaning muqobil yo‘llari.
Denis Roman, “We Digital” agentligining boshqaruvchi hamkori (O‘zbekiston)
“We Digital” — “AdAsia 2022” talqiniga ko‘ra Markaziy Osiyodagi 1- raqamli SMM & Digital-agentlik, shuningdek 2023-yilgi O‘zbekiston marketing uyushmasi reytingi talqini bo‘yicha Digital toifasida №1. Shuningdek, Denis “Alpha Education”da spiker va marketing maktabi mentoridir. “White Square”, “E+ Awards Central Asia”, TAF, “Young Lions Georgia” festivallarining hay'at a'zosi bo‘lgan.
Ma'ruza mavzusi – Neyrotarmoqlar kontent-industriyasini qanday o‘zgartirib yuboradi:
- kontent ijodkorlari sun'iy intellekt bilan nega va qanday ishlashlari kerak
- dolzarb AI-vositalar, trendlar va keyslar
Eldana Satibaldieva, bloger Eldana FourEyes, (Qirg‘iziston). 10 yildan ziyod tajribaga ega bloger, “Komyuniti” qahvaxonalar tarmog‘ining sohibi.
Ma'ruza mavzusi – Blogni qanday boshlaganim va kuyib kul bo‘lganlarim to‘g‘risida:
– yo‘limni nimadan boshlagandim;
— kontent o‘shanda qanday yaratilardi va hozir qanday yaratiladi;
— agentlik bilan hamkorlik;
— o‘z biznesim;
— g‘oyalar qaerdan olinadi;
— ijodda kuyib kul bo‘lish.
George Held, VEON AdTech CEO (O‘zbekiston)
Jahonning yetakchi texnologik kompaniyalari: Etisalat, Airtel, Forbes va VEON da ilg‘or mahsulotlarni ishlab chiqish bo‘yicha 20 yillik tajriba, innovatsion mahsulotlarni joriy qilish bo‘yicha ko‘p sonli industrial mukofotlar, jumladan GSMA Global Mobile Awards, FT/IFC va Global Telecom Innovation Awards sohibi.
Ma'ruza mavzusi – Muvaaffaqiyatli biznes simfoniyasi: 2024-yilda SI va Big Data dan foydalanish:
- yangi yilda biznesni Big Data dan foydalanishning qanday tendensiyalari kutmoqda;
- SI biznes-jarayonlarni qanday optimallashtirish mumkin;
- amalga oshirilgan keyslar va kelajakdagi rejalar.
Mamlakatning yetakchi brendlari va agentliklarining vakillari bo‘lgan tarmoqning yetakchi ekspertlari to‘planadigan 2024-yildagi O‘zbekistonning eng yirik marketing forumida qatnashing!
Izoh (0)