Жорий йининг 17 февралида Hyatt Regency Ташкент меҳмонхонасида рақамли маркетинг бўйича конференция бўлиб ўтади. Бу Ўзбекистон маркетинги учун асосий воқеа бўлиб, бу йил у ноёб формати билан ажралиб туради.
Форум бир кунда иккита ўта йирк профессионал ҳамжамиятларни: брендлар, агентликлар вакиллари ва блогерларни жамлайди.
«Конференцияда иккита сессия бўлади: Маркетинг сессион ва Influencer сессион. Куннинг биринчи ярмида биз кириб келган йилдаги воқеликни, трендлар ва digital-маркетинг имкониятларини муҳокама қиламиз,- дейди форум ташкилотчиси, Ўзбекистон маркетинг уюшмасининг раиси Диёр Мирзааҳмедов. — У жонли мулоқот, долзарб мавзулар, илгарилатишнинг замонавий воситаларига оид саволларга жавобларни ўз ичига олади – буларнинг барини биринчи марта ўтган йилдаги digital-конференцияда амалга оширдик ва мана шу формат оптимал эканлигини тушундик.
Куннинг иккинчи ярмида рақамли контентни яратиш ва ривожлантиришга дахлдор бўлган барчага биргаликда йиғилиш ва интернетдаги контент сифати, шунингдек фикрлар етакчилари ва блогерлар орқали брендларни илгарилатиш билан боғлиқ долзарб масалаларани муҳокама қилиш имкониятини бермоқчимиз. Тажрибали экспертлар ўз кейслари билан ўртоқлашадилар ва ўз блогини юритишни энди бошлаётганларгагина эмас, балки муайян муваффақиятга эришганларга ҳам маслаҳатлар берадилар. Форум “Influencer Awards 2023” мамлакатнинг энг яхши блогерларини тантанали тақдирлаш маросими билан якунланади.
Иккинчи рақамли форум бу йил Ўзбекистон, АҚШ, Қозоғистон, Қирғизистон, Россиядан кўп йиллик тажрибага эга ва Ўзбекистоннинг етакчи жаҳон брендлари билан ишловчи 20 нафар етакчи спикерларини жамлайди. Ўзбекистоннинг энг яхши блогерлари, етакчи агентликлар вакиллари инфлюенс-маркетинг трендлари ҳақида сўз юритадилар.
17 февралдаги тақдирлаш маросимида Influencer Awards 2023 нинг ўзбек ва рус тиллардаги 26 та номинация бўйича ғолиблари эълон қилинади. Бу Ўзбекистон блогерларини энг кенг кўламдаги тақдирлаш маросими бўлади.
Форус спикерлари қаторида бир қатор таниқли инсонлар бор.
Алексей Беляев, Интерактив рекламани ривожлантириш уюшмасининг вице-президенти, тадқиқотлар бўйича индустриал қўмитаси раҳбари, ВК тижорат департаменти тадқиқотлар бўйича директори (Россия)
Алексей соҳада 1995 йилдан буён ишлайди. “Росбизнесконсалтинг” RAА, “Rambler”да ишлаган, Интернет ва Бизнес уюшмасига раҳбарлик қилган. 2008-2015 йилларда ўша пайтдаги йирик реклама сотувчиси бўлган “Видео-Интернешнл” интернет-таҳлил маркази тадқиқотлар бўлимини бошқарган. 2015 йилдан бошлаб ВК (Mail.ru Гроуп) тижорат департаментида таҳлил ва тадқиқотлар билан шуғулланган. 2012 йилдан Интерактив рекламани ривожлантириш уюшмаси (аввалги ИАБ Russia)да тадқиқотлар қўмитасига раҳбарлик қилади, Россия интерактив реклама бозорини баҳолашни ишлаб чиқади ва етакчилик қилади.
Маъруза мавзуси: РФ бозори мисолида интерактив реклама бозорини баҳолаш: ёндашувлар, мураккабликлар, истиқболлар.
Интерактив рекламага йилдан йилга ўсиб бораётган инвестициялар ва онлайн-маркетинг ҳақида кўпчилик гапиради, лекин бозор ҳажмлари ва ўсиш динамикасининг ўзаро мувофиқ миқдорий баҳоланишига эга бўлиш муҳим – ғалаба шодиёналари эмас, айнан рақамлар бозорнинг шаффофлигини, реклама берувчиларнинг ишончини оширади ва, пировардида, унинг ривожланишини жадаллаштиради.
Бундай баҳони қандай барпо этиш ва бунда ўзаро уришиб қолмаслик ҳақида Россия интерактив реклама бозори мисолида сўз юритмоқчиман.
Наталия Туйгунова, “ЛивеДуне” ижтимоий тармоқларни бошқариш сервиси амбассадори, медиа-эксперт (Россия)
“ЛивеДуне” — ижтимоий тармоқларни таҳлил қилиш ва бошқариш сервиси, машҳур веб-таҳлил компаниялари маълумотларига кўра, Марказий Осиёда соҳа етакчиси. Сервис мижозлари сирасида: ВК, “Rambler” интернет-холдинги, Редмонд, “Лерой Мерлин”.
Маъруза мавзуси – SMM учун обиҳаёт — афсун ёрдамида катта ва сифатли аудиторияга эга бўлиш йўллари:
- идеал SMM рецепти қандай кўринади;
- аудиториянинг оғриқли нуқтасини излаймиз;
- индустрия етакчиларида қандай контент обрўга эга – тадқиқот;
- Ўзбекистон ижтимоий тармоқлари аккаунтларининг benchmarkлари;
- SMM трендлари.
Антон Ким, “ForteБанк” маркетинг директори (Қозоғистон)
Маркетер, креатив индустриялар бўйича эксперт ва “Forte”да креатив ишлар учун масъул асосий шахс. Портфелида турли фестиваллардан 140 дан зиёд совринга эга: Cаннес Лионс, АдStars, Epica, Спикес Асиа, РедApple, РедДот, WhiteSquare, АдBlackSea, KIAФ, WowДоне, РедЖолбордс.
Маъруза мавзуси: Чегарадаги банк маркетинги.
“Ташкент Digital Маркетинг Форум” каби кенг кўламли индустриал ивентлар минтақамиздаги профессионал ҳамжамиятнинг экспертизаси ва ижодий қудратини ривожлантириш учун жуда муҳим. Бундай тадбирларга имкон қадар кўпроқ мутахассисларни жалб қилиш, ўз ишларимиз орқали бир-биримизни рақобатнинг юқори даражасига ундаш, маркетингни кенг кўламлироқ қилиш истагини уйғотиш, пировардида бутун дунёда таниқлироқ бўлиш катта аҳамиятга эга.
Умид Гафуров, “Таниш-Билиш” креатив агентлиги асосчиси, “Тролл.уз”, “Тирикчилик”, “Пакапак” лойиҳалари муаллифи (Ўзбекистон). Умид медиа соҳасида 10 йилдан зиёд иш тажрибасига эга.
Маъруза мавзуси – Тирикчилик ҳуқуқи асосида:
— контентнинг ўз мақомига эга бўлиши;
— реклама бозори ва унинг истқиболлари;
— монетизациянинг муқобил йўллари.
Денис Роман, “Wе Digital” агентлигининг бошқарувчи ҳамкори (Ўзбекистон)
“Wе Digital” — “АдАсиа 2022” талқинига кўра Марказий Осиёдаги 1- рақамли SMM & Digital-агентлик, шунингдек 2023 йилги Ўзбекистон маркетинг уюшмаси рейтинги талқини бўйича Digital тоифасида №1. Шунингдек, Денис “Алпҳа Эдуcатион”да спикер ва маркетинг мактаби менторидир. “White Square”, “Э+ Awards Central Асиа”, ТАФ, “Young Лионс Georgia” фестивалларининг ҳайъат аъзоси бўлган.
Маъруза мавзуси – Нейротармоқлар контент-индустриясини қандай ўзгартириб юборади:
- контент ижодкорлари сунъий интеллект билан нега ва қандай ишлашлари керак
- долзарб АИ-воситалар, трендлар ва кейслар
Элдана Сатибалдиэва, блогер Элдана ФоурЕес, (Қирғизистон). 10 йилдан зиёд тажрибага эга блогер, “Комюнити” қаҳвахоналар тармоғининг соҳиби.
Маъруза мавзуси – Блогни қандай бошлаганим ва куйиб кул бўлганларим тўғрисида:
– йўлимни нимадан бошлагандим;
— контент ўшанда қандай яратиларди ва ҳозир қандай яратилади;
— агентлик билан ҳамкорлик;
— ўз бизнесим;
— ғоялар қаэрдан олинади;
— ижодда куйиб кул бўлиш.
Георге Ҳелд, VEON AdTech CEO (Ўзбекистон)
Жаҳоннинг етакчи технологик компаниялари: Этисалат, Аиртел, Форбес ва VEON да илғор маҳсулотларни ишлаб чиқиш бўйича 20 йиллик тажриба, инновацион маҳсулотларни жорий қилиш бўйича кўп сонли индустриал мукофотлар, жумладан ГСМА Глобал Mobile Awards, ФТ/IFC ва Глобал Telecom Innovation Awards соҳиби.
Маъруза мавзуси – Мувааффақиятли бизнес симфонияси: 2024 йилда SI ва Big Data дан фойдаланиш:
- янги йилда бизнесни Big Data дан фойдаланишнинг қандай тенденциялари кутмоқда;
- SI бизнес-жараёнларни қандай оптималлаштириш мумкин;
- амалга оширилган кейслар ва келажакдаги режалар.
Мамлакатнинг етакчи брендлари ва агентликларининг вакиллари бўлган тармоқнинг етакчи экспертлари тўпланадиган 2024 йилдаги Ўзбекистоннинг энг йирик маркетинг форумида қатнашинг!
Изоҳ (0)