Nokia Corporation kompaniyasining intellektual mulk huquqi himoya qilindi, deb xabar bermoqda Adliya vazirligi axborot xizmati.
Ma’lum qilinishicha, Adliya vazirligiga 2023-yil davomida Nokia Corporation Finlyandiya kompaniyasining ishonchli vakili tomonidan mazkur kompaniyaga tegishli bo‘lgan Nokia (MGU 5043, 5044, MBX 1715263, 1435983, 1715260, 1416724-son guvonomalar) tovar belgisidan ayrim shaxslar noqonuniy foydalanayotgani to‘g‘risida murojaat kelib tushgan.
Ushbu murojaat asosida Adliya vazirligi tomonidan tegishli tartibda o‘rganishlar o‘tkazildi. O‘rganish natijasida bir qator jismoniy shaxslar Nokia tovar belgisi bilan aynan bir xil bo‘lgan kontrafakt mahsulot sotayotganliklari aniqlandi.
Ushbu holat yuzasidan jismoniy shaxslarga nisbatan ma’muriy huquqbuzarlik to‘g‘risida bayonnomalar rasmiylashtirilib, tegishli tartibda ko‘rib chiqish uchun sudlarga yuborilgan. Jinoyat ishlari bo‘yicha Shayxontohur hamda Chilonzor tuman sudlari tomonidan huquqbuzarlar (O.U., R.J., O.N., M.A., A.SH., M.O., A.S., V.O.)ga Ma’muriy javobgarlik to‘g‘risidagi kodeksning 177-moddasi birinchi qismida keltirilgan huquqbuzarlik holatlarini sodir etgani uchun jami 23 760 000 so‘m jarima jazosi tayinlandi.
Izoh (0)