Surxondaryo viloyatining Termiz tumanida bedarak yo‘qolgan qiz topildi. Bu haqda Bosh prokuratura axborot xizmati xabar berdi.
Unga ko‘ra, “Nurli diyor” mahallasida yashovchi fuqaro Abduraxmanova Oygul 27-yanvar kuni tuman IIBga ariza bilan murojaat qilib, unda voyaga yetmagan qizi Tursunova Oydin 2024-yilning 5-yanvar kuni taxminan soat 16:00 larda yashash uyidan noma’lum tomonga chiqib ketib, qaytib kelmasdan bedarak yo‘qolganini aytgan hamda uni topishda amaliy yordam so‘ragan.
Tursunova Oydin 2008-yilda Termiz tumanida tug‘ilgan, ma’lumoti o‘rta, maktabda 9-sinf o‘quvchisi, Termiz tumani, “Nurli Diyor” mahallasida ota-onasi qaramog‘ida yashaydi.
Mazkur holat yuzasidan Termiz tumani prokuraturasi tomonidan tergovga qadar tekshiruv harakatlari olib borilmoqda. O‘tkazilayotgan tergovga qadar tekshirish davomida bedarak yo‘qolgan voyaga yetmagan Tursunova Oydin 28-yanvar kuni soat 22:00 larda Angor tumani, “Sharq Guli” mahallasi hududidan topilib, shu kunning o‘zida Surxondaryo viloyat IIB JXX HPB Voyaga yetmaganlarni ijtimoiy himoya qilish markaziga joylashtirildi.
Izoh (0)