Olmaota Markaziy Osiyodagi yashash eng qimmat bo‘lgan shaharga aylandi. Numbeo tahlili xizmati 2024-yil yanvar oyi yakunlari bo‘yicha qimmat shaharlar reytingini e’lon qildi.
Olmaotada yashash qiymati indeksi 36,2, uy-joy ijarasi esa 19,5ga teng. Megapolis bunday ko‘rsatkichlar bilan Ostona, Toshkent va Bishkekni ortda qoldirdi. Bu shartli indeks bo‘lib, 100 foizlik bazaviy ko‘rsatkich bilan Nyu-Yorkka nisbatan ma’lum bir shaharda hayot qanchalik arzon va qimmatroq ekanini ko‘rsatadi. Misol uchun, yashash qiymati indeksi 120 bo‘lgan shahar Nyu-Yorkdan 20 foizga qimmatroq, yashash qiymati indeksi 80 bo‘lgan shahar esa 20 foiz arzonroq.
Shunday qilib, asosiy ko‘rsatkichga nisbatan yashash narxi shaharlar o‘rtasida taqqoslanadi. Indeks iste’mol tovarlari, oziq-ovqat, restoranlar, transport va kommunal xizmatlar narxlarini hisobga oladi. Bunga ijara yoki ipoteka kabi yashash xarajatlari kirmaydi.
Shu tariqa Olmaota (36,2) bu ko‘rsatkich bo‘yicha Markaziy Osiyodagi shaharlar orasida yetakchilik qilmoqda, undan keyingi o‘rinlarni Ostona (34), Toshkent (28,5), Bishkek (28,3) egallagan.
Toshkent shahrida yashash narxining qisqacha xulosasi:
- To‘rt kishidan iborat oilaning oylik xarajatlari ijarasiz 1703,8 dollarni tashkil qiladi (Numbeo tahlili asosida).
- Bir kishining oylik xarajatlari ijarasiz 476,4 dollardan iborat.
- Toshkent Nyu-Yorkdan 71,4 foizga arzon (ijara xarajatisiz).
- Toshkentda ijara haqi Nyu-Yorknikidan o‘rtacha 85,4 foizga past.
Izoh (0)