AQSH “Tolibon”ning afg‘on ayollariga munosabatidan xavotir bildirdi

“Tolibon”ning afg‘on ayollariga nisbatan munosabati Vashington uchun asosiy tashvishga aylanmoqda, deb xabar berdi Aamaj News.

AQSH Davlat departamenti matbuot kotibi o‘rinbosari Vedant Patelning so‘zlariga ko‘ra, “Tolibon” tan olinishni talab qilish bilan birga Qo‘shma Shtatlar uchun nomaqbul harakatlar qilmoqda.

Ayni paytda UNAMA (BMTning Afg‘onistondagi yordam missiyasi) so‘nggi hisobotida “Tolibon” harakati “asosan hazoralar istiqomat qiluvchi Dasht Barchiningdan, shuningdek, Kobulning Xayrxona hududida istiqomat qiluvchi asosan tojik millatidagi ayol-qizlarni asirga olgani” aytiladi.

Patel AQSH Afg‘onistonga yuborilgan insonparvarlik yordami “Tolibon” qo‘liga tushmasligi choralarini ko‘rganini ta’kidladi. U, shuningdek, Amerika gumanitar yordami “Tolibon”ga berilmasligi uchun chora-tadbirlar va yechimlar qo‘llanganini qo‘shimcha qildi.

Amaldorning so‘zlariga ko‘ra, “Amerika hukumati Afg‘onistondagi ishonchli institutlar bilan yaqin aloqada: ular amerikalik soliq to‘lovchilarning pullari “Tolibon”ga berilmasligiga ishontirmoqda.