“Толибон”нинг афғон аёлларига нисбатан муносабати Вашингтон учун асосий ташвишга айланмоқда, деб хабар берди Aamaj News.
АҚШ Давлат департаменти матбуот котиби ўринбосари Ведант Пателнинг сўзларига кўра, “Толибон” тан олинишни талаб қилиш билан бирга Қўшма Штатлар учун номақбул ҳаракатлар қилмоқда.
Айни пайтда UNAMA (БМТнинг Афғонистондаги ёрдам миссияси) сўнгги ҳисоботида “Толибон” ҳаракати “асосан ҳазоралар истиқомат қилувчи Дашт Барчинингдан, шунингдек, Кобулнинг Хайрхона ҳудудида истиқомат қилувчи асосан тожик миллатидаги аёл-қизларни асирга олгани” айтилади.
Пател АҚШ Афғонистонга юборилган инсонпарварлик ёрдами “Толибон” қўлига тушмаслиги чораларини кўрганини таъкидлади. У, шунингдек, Америка гуманитар ёрдами “Толибон”га берилмаслиги учун чора-тадбирлар ва ечимлар қўлланганини қўшимча қилди.
Амалдорнинг сўзларига кўра, “Америка ҳукумати Афғонистондаги ишончли институтлар билан яқин алоқада: улар америкалик солиқ тўловчиларнинг пуллари “Толибон”га берилмаслигига ишонтирмоқда.
Изоҳ (0)