Rossiyada maymunchechakka chalinish holatlari aniqlandi

Sankt-Peterburgda Xitoydan kelgan ikki sayyohda maymunchechak bilan kasallanish holati aniqlandi. Bu haqda “Rospotrebnadzor” xabar berdi.

“Rospotrebnadzor”ning Sankt-Peterburgdagi boshqarmasi Xitoydan kelgan sayyohlarda maymunchechak bilan kasallanishning ikki holati aniqlangani haqida maʼlum qildi. Kasallik Gonkong maʼmuriy okrugiga sayyohlik safaridan qaytgan ikki erkakda aniqlangan, — deyiladi xabarda.

Aniqlik kiritilishicha, bemorlar yuqumli kasalliklarga ixtisoslashgan tibbiyot muassasasida bo‘lib, ularning hayotiga hech qanday xavf yo‘q. 

“Rospotrebnadzor” mutaxassislari epidemiologik tekshiruvni boshlagan va kasallikning tarqalishini oldini olish uchun epidemiyaga qarshi chora-tadbirlar ko‘rmoqda. Kasallanganlar bilan aloqada bo‘lgan shaxslar doirasi aniqlangan, ular shifokor nazoratida.