Rossiya tomonida Ukrainaga qarshi jang qilayotgan xitoylik armiyadagi sharoitdan shikoyat qilib, Xitoyga davolanish uchun qaytishga urinayotganini aytdi. Bu haqda Bild xabar berdi.
X (sobiq Twitter) ijtimoiy tarmog‘ida Ukrainada Rossiya tomonida jang qilayotgan xitoylik yollanma askar qattiq shamollagani, tomog‘i shishib, yiringlayotganini aytgan video paydo bo‘ldi.
“Bu yerda tibbiy yordam yo‘q. Hech kim qayg‘urmaydi. Og‘riq meni o‘ldiradi, — deb shikoyat qiladi u.
Harbiy xizmatchining so‘zlariga ko‘ra, tekshiruvdan so‘ng shifokor uni tegishli muolaja bilan ta‘minlamagan.
“Xitoyning Rossiyadagi elchixonasiga murojaat qildim. Ular bu mening shaxsiy muammoyim ekanini aytishdi. Men bu yerdagi shartnomamni tugatib, davolanish uchun Xitoyga qaytishim kerak”, — deydi erkak.
Videoda u xabar yuborish uchun mobil aloqa izlab 40 daqiqa yurganini aytadi va Xitoy Tashqi ishlar vazirligi bilan bog‘lanish uchun yordam so‘raydi. Bungacha erkak o‘zi va rus harbiylari frontga ketayotgani aks etgan videoni yozib olgan.
Izoh (0)