Ukraina prezidenti Vladimir Zelenskiy urushni 24 soat ichida to‘xtata olishini aytgan AQSH sobiq prezidenti Donald Trampni Kiyevga taklif qildi. Bu haqda “Ukrainskaya pravda” xabar berdi.
“Donald Tramp, sizni Ukrainaga, Kiyevga taklif qilaman. Agar urushni 24 soat ichida to‘xtata olsangiz, o‘ylaymanki, bu kelish uchun yetarli sabab bo‘ladi”, — dedi u AQSH sobiq prezidentiga.
Shu bilan birga, Zelenskiy Trampning Ukrainadagi “urushni 24 soat ichida tugatish” niyati haqida gapirayotganini “juda xavfli” deb atadi.
“Ya'ni u o‘zi qaror qabul qilishini aytdi — men hatto Rossiya haqida gapirmayapman — har ikki tomonsiz, ya’ni bizsiz... Uning hech kim eshitmagan g‘oyasi xalqimiz uchun ishlamasa, u o‘z g‘oyasini amalga oshirish uchun hamma narsa qiladi. Bu meni biroz tashvishga solmoqda”, — deb tushuntirdi u.
AQSH sobiq prezidenti avvalroq yuqori lavozimga qaytsa, Ukrainada 24 soat ichida tinchlikni ta’minlash “rejasi” borligini bir necha bor aytgan edi.
Izoh (0)