Rossiya prezidenti Vladimir Putin armiyani “jangovar lazerlar” va sun’iy intellekt robotlari bilan qurollantirishni buyurdi. Bu haqda “Vzglyad.ru” xabar berdi.
Putin tegishli buyruqni Rossiya Mudofaa vazirligi uyushmasida so‘zlagan nutqida ma’lum qildi. U “dunyoning ikkinchi armiyasi” “istiqbolli qurollar”ga muhtojligini bildirdi.
“Armiya va flotga kelajak uchun poydevor yaratishda davom etishimiz kerak. Qurollarning istiqbolli turlari, men robotlashtirilgan tizimlar va jangovar lazerlarni, sun’iy intellekt texnologiyalaridan foydalanadigan va yangi jismoniy tamoyillarga asoslangan qurollarni nazarda tutyapman”, — dedi Rossiya prezidenti.
Putin bu yo‘nalishlarda natijalar borligiga va Rossiya harbiylariga texnika yetkazib berish “yaxshilanayotganiga” ishontirdi. Shuningdek, u armiyaga zamonaviy tanklar, zirhli texnikalar ham kerakligini aytdi.
Izoh (0)