Yerni 22 va 23-yanvar kunlari magnit bo‘ronlari qoplaydi. Quyoshning yuqori faolligi tufayli ob-havoga bog‘liq odamlar o‘zlarini yomon his qilishlari mumkin.
Meteoagent magnit bo‘roni qachon yuz berishi haqida ma’lumot berdi. Keyingi ikki kun ichida, 22 va 23-yanvar kunlari kuchli magnit bo‘roni bo‘lishi kutilmoqda, uning kuchi 6 ballga yetadi. Bu 2024-yil yanvar oyida kuzatiladigan eng oxirgi magnit bo‘ronidir.
Quyosh faolligi kuzatiladigan kunlar hatto sog‘lom odamlar ham salomatligida o‘zgarishlar kuzatilayotganidan shikoyat qiladi. Jumladan, bosh og‘rig‘i, holsizlik, diqqatning pasayishi, asabiylashish kuzatilishi mumkin. Surunkali kasalliklarga chalingan odamlar va qariyalar o‘zini yomon his qiladi.
Magnit bo‘ronining salomatlikka ta’siri
Magnit bo‘ronlari hatto o‘rta kuchga ega bo‘lsa ham inson salomatligiga salbiy ta’sir ko‘rsatadi, uning eng keng tarqalgan ko‘rinishlari quyidagilar:
- bosh aylanishi va bosh og‘rig‘i;
- uyqu buzilishi;
- diqqatni jamlash bilan bog‘liq muammolar;
- qon bosimning buzilishi;
- surunkali kasalliklarning kuchayishi;
- og‘riqlar, shuningdek, bo‘g‘imlardagi og‘riq;
- ishtaha buzilishi va ko‘ngil aynish;
- holsizlik hissi.
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ovqat ratsionidan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.
Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.
Izoh (0)