Тошкент шаҳрининг Яшнобод туманида яшовчи фуқаро янги сотиб олган уйидан ХIX аср охири ва ХХ аср бошларига тегишли қадимий китоблар топиб олди, деб хабар беради Маданий мерос агентлиги.
Қайд этилишича, фуқаронинг мурожаатига асосан янги уйдан топилган тарихий китоблар устида атрофлича ўрганиш ишлари олиб борилган. Текширувлар натижасида топилган ашёлар эски ўзбек ёзувидаги қўлёзма ва тошбосма китоблар эканлиги аниқланган. Уларнинг ичида шеърий тўпламлар, бадиий ва илмий-оммабоп китоблар ҳам бор экани маълум бўлган.
Топилган китоблар фуқаронинг шахсий мулки эканини инобатга олган ҳолда агентлик ходимлари томонидан қўлёзмаларни давлатга топшириш ёки сотиб юбориши мумкинлиги тушунтирилган.
Эслатиб ўтамиз, 2018 йилда Наманган вилоятида қадим тилсимларни очувчи ноёб қўлёзма топилгани тўғрисида хабар берилганди.
Изоҳ (0)