Futbol bo‘yicha Osiyo Kubogi 2-turidan o‘rin olgan bahsda O‘zbekiton Hindiston terma jamoasi ustidan 3:0 hisobida g‘alaba qozondi.
Uchrashuvdan so‘ng O‘zbekiston terma jamaosi bosh murabbiyi Srechko Katanes va o‘yinning eng yaxshi futbolchisi Abbosbek Fayzullayevlar matbuot anjumanida ishtirok etdi.
Yigitlarning o‘yinidan qoniqdim. Juda yaxshi o‘yin ko‘rsatdik.
Beshta himoyachi deyish biroz noto‘g‘ri bo‘ladi. Uchta markaziy himoyachi desak to‘g‘riroq bo‘ladi. Terma jamoamizning o‘tgan yilgi o‘yinlariga e’tibor bersak, uchta markaziy himoyachi bilan o‘ynaganimizda, jamoa ishonchliroq ko‘ringandi. “Inter” klubi ham uchta markaziy himoyachi bilan o‘ynaydi. Ikkita qanot himoyachilari hujumda juda aktiv. Siz beshta himoyachi bilan o‘ynasangiz ham, ular hujum qilishni xohlashmasa, hech narsa bo‘lmaydi. Men hech qachon o‘z himoyachilarimga faqat himoyada turinglar demayman. Avstraliya bugun to‘rtta himoyachi bilan o‘ynadi. Men birinchi bo‘limni tomosha qildim. Lekin birinchi bo‘limda Avstraliya deyarli vaziyat yarata olmadi. Demak, gap nechta himoyachi bilan o‘ynashda emas. Suriyaga qarshi o‘yinda ham bugungidek harakat qilganimizda, biz boshqacha o‘yin ko‘rsatgan bo‘lardik.
Ajoyib o‘ynadik. Ular zo‘r harakat qilishdi, yaxshi zarbalar berishdi, gollar urishdi. Zamonaviy futbolda tezkor gol urib olsangiz, hammasi oson bo‘ladi. Hindiston esa gol o‘tkazib yuborganidan so‘ng bosim ostida qoldi. Hisobda ortda borayotganingizda hammasi qiyinlashib ketaveradi. Bizda esa juda tezkor yosh futbolchilar bor.
Abbosbek har doim tabassum qiladi. Doim yaxshi o‘yin ko‘rsatadi. Nafaqat bizda, balki “SSKA” klubida ham. Terma jamoa murabbiyi sifatida Abbosbek kabi o‘yinchim borligidan mamnunman. 20 yoshli futbolchi katta o‘yinlarda o‘ynay olishi kerak. Hozirgi futbolda 23 yoshli futbolchini ham iqtidorli deyishadi. Aslida, haqiqiy iqtidor 20 yoshida ham katta o‘yinlarda o‘zini ko‘rsata oladi.
Hurmat bilan aytaman, men o‘zbek jurnalistlari nima yozayotganini umuman o‘qimayman. Tarjimonim Davrondan ham menga o‘zbek matbuoti nima deb yozayotganini hech qachon aytmasligini so‘raganman. Men bor e’tiborimni o‘z ishimga qaratganman. Jurnalistlarni hurmat qilaman, ammo tabiatim shunday. Bugungi taktikamiz bo‘yicha xohlaganingizcha yozishingiz mumkin.
Unda menga (jurnalistlar) xat jo‘natinglar. Bu xatda menga Avstraliyaga qarshi kimlar o‘ynashi kerakligini yozing. Agar bu reja ish bersa yaxshi, ammo biz mag‘lub bo‘lsak kim javobgar bo‘ladi? Masala shunda. Jurnalistlar natijaga javob berishmaydi. Siz istagan narsangizni yoza olasiz, ammo natijaga men javob beraman. Farqimiz shunda. Jurnalistlar terma jamoamiz ichidagi 10% ma’lumotni bilishi mumkin. Qaysidir o‘yinchida jarohat borligi va hokazo. Oldimizda Avstraliyaga qarshi muhim o‘yin kutib turibdi. Biz bor e’tiborimizni shu o‘yinga qaratganmiz.
Srechko Katanes, O‘zbekiston terma jamoasi bosh murabbiyi
Barchaga rahmat. Stadionga kelgan muxlislarga rahmat. O‘yinga yaxshi tayyorgarlik ko‘rdik. Suriyadan keyin g‘alaba qozonishimiz shart edi. Suriyaga qarshi o‘yin haqida gapirishni istamayman. Bor e’tiborni Avstraliyaga qarshi uchrashuvga qaratamiz. Hozir eng muhimi, tiklanib, keyingi o‘yinga tayyorlanish.
Avstraliyaga qarshi o‘yin qiziq bo‘lishi aniq. Ular qog‘ozda kuchli bo‘lishi mumkin, ammo maydonga ikkala jamoa ham 11 nafar futbolchi bilan chiqadi. Biz Avstraliyadan kuchsizmiz deya olmayman, chunki jamoadoshlarimga ishonchim yuqori.
Osiyo Kubogidagi g‘alabadan keyin o‘zimga bo‘lgan ishonch oshdi. Musobaqadagi g‘alaba ajoyib hislarni bergandi. Shundan so‘ng, tom ma’noda, professional futbolga o‘ta boshladim. Baribir kattalar o‘rtasidagi Osiyo Kubogi muhimroq. Chunki bu yerda hamma professional. Bu boshqa daraja. Hozirgi holatda Osiyo Kubogiga tayyorman deb o‘ylayman.
Abbosbek Fayzullayev, O‘zbekiston terma jamoasi futbolchisi
Izoh (0)