Tadbirkorlik subyektlari bilan o‘tkazilgan muloqotlarda bildirilgan fikrlar hamda keng jamoatchilikning takliflarini chuqur tahlil qilingan holda O‘zbekiston Respublikasi prezidentining “Yashirin iqtisodiyotga qarshi kurashish sohasida davlat nazorati mexanizmlarini takomillashtirish chora-tadbirlari to‘g‘risida”gi farmoni qabul qilindi.
Farmon bilan yashirin iqtisodiyotga qarshi kurashish borasida davlat siyosatining eng muhim yo‘nalishlari belgilandi.
Jumladan, farmonda yashirin iqtisodiyot ko‘lamini keskin qisqartirish orqali mamlakatda sog‘lom raqobat va xususiy biznesni rivojlantirish zarurligi ta’kidlangan.
Shuningdek, yashirin iqtisodiyot shakllanishining turli sxemalari, xufiyona ishlab chiqarish va noqonuniy moliyaviy oqimlarga barham berish orqali iqtisodiy barqarorlikni va aholi farovonligini ta’minlash darkor.
Bundan tashqari, iqtisodiyotdagi xufiyona aylanmalarga qarshi kurashuvchi davlat organlari faoliyatining aniq yo‘nalishlarini belgilash orqali mas’uliyati va javobgarligini oshirish va keng jamoatchilikda yashirin iqtisodiyotga murosasizlik hissini shakllantirish ko‘rsatib o‘tilgan.
Ushbu farmondan ko‘zlangan asosiy maqsad qonunga itoatkor tadbirkorlarni qo‘llab-quvvatlash, yashirin iqtisodiyotni repressiv yo‘l bilan emas, balki ularni rag‘batlantirish mexanizmlari va amaliy ko‘mak berish orqali ko‘lamini kamaytirishdan iborat. Shuningdek, jazolash choralarini kuchaytirishdan voz kechgan holda insofli tadbirkorni himoya qilish, ularga haqiqiy ko‘makchi bo‘lish hamda biznes rivojiga to‘siq bo‘luvchi korrupsion omillarga barham berish hisoblanadi.
Izoh (0)