Toshkent—Bangkok—Toshkent yo‘nalishi bo‘yicha aviareys kechiktirildi. Bu haqda Uzbekistan Airways axborot xizmati xabar berdi.
Unga ko‘ra, noqulay ob-havo sharoiti tufayli havo kemalarining harakatlanish jadvaliga o‘zgartirishlar kiritildi. Ushbu munosabat bilan, HY531/532 Toshkent—Bangkok—Toshkent yo‘nalishi bo‘yicha reysi parvoz jadvalidan taxminan 2 soat-u 30 daqiqa kechikib amalga oshirilishi rejalashtirilgan. Parvozning taxminiy amalga oshirilishi jadvali:
- Toshkentdan jo‘nab ketish 19-yanvar soat 01:00, Toshkent vaqti bilan.
- Bangkokka yetib kelish 19-yanvar soat 9:10, Bangkok vaqti bilan.
- Bangkokdan jo‘nab ketish 19-yanvar soat 10:40, Bangkok vaqti bilan.
- Toshkentga yetib kelish 19-yanvar soat 15:40, Toshkent vaqti bilan.
Keltirilgan noqulayliklar uchun yo‘lovchilar va ularni kutib oluvchilardan uzr so‘ralgan.
Izoh (0)