AQSH sobiq prezideti Donal Tramp 17-yanvar kuni tarafdorlari bilan salomlashar ekan, ularga qo‘l silkitdi va kaftidagi dog‘lar uning sog‘lig‘i haqidagi mish-mishlarni keltirib chiqardi. Bild sharhlovchisi Gerbert Bauernebel esa Trampning sog‘lig‘i yomonlashganini ko‘rsatuvchi so‘nggi voqealarni esga oldi.
Ijtimoiy tarmoqlarda sobiq prezident kaftidagi dog‘lar faol muhokama qilinmoqda. Bill Klintonning sobiq maslahatchisi Jeyms Karvil bu “sifilisga o‘xshashini” aytgan. Boshqalar esa Tramp kaftiga qizigan dazmol tekkani yoki issiq ponchiklar bunga sabab bo‘lganini yozmoqda.
Bild nashri AQSH sobiq prezidentining sog‘lig‘idagi o‘zgarishlarga ishora qiluvchi ayrim ma’lumotlarni keltirib o‘tadi. Ayova shtatidagi De-Moyn shahridagi mehmonxona foyesida uzoq kunlik saylovoldi kampaniyasidan so‘ng Tramp juda charchagan ko‘ringan. Uning nutqida xatolar ko‘paygan. Jumladan, u Barak Obamani Jo Bayden bilan adashtirgan. Ba’zan odamlarning ismlarini, joy nomlarini ham chalkashtirib yuborgan.
“Uning sezilarli darajada vazn yo‘qotishi va ozg‘in yuzi tufayli Tramp Ozempic yoki Wegovy kabi mashhur vazn yo‘qotadigan dorilarni qo‘llayotgani haqida mish-mishlar paydo bo‘lgandi”, — deb yozadi Bild nashri.
Izoh (0)