АҚШ собиқ президети Донал Трамп 17 январь куни тарафдорлари билан саломлашар экан, уларга қўл силкитди ва кафтидаги доғлар унинг соғлиғи ҳақидаги миш-мишларни келтириб чиқарди. Bild шарҳловчиси Герберт Бауeрнебел эса Трампнинг соғлиғи ёмонлашганини кўрсатувчи сўнгги воқеаларни эсга олди.
Ижтимоий тармоқларда собиқ президент кафтидаги доғлар фаол муҳокама қилинмоқда. Билл Клинтоннинг собиқ маслаҳатчиси Жеймс Карвил бу “сифилисга ўхшашини” айтган. Бошқалар эса Трамп кафтига қизиган дазмол теккани ёки иссиқ пончиклар бунга сабаб бўлганини ёзмоқда.
Bild нашри АҚШ собиқ президентининг соғлиғидаги ўзгаришларга ишора қилувчи айрим маълумотларни келтириб ўтади. Айовa штатидаги Де-Мойн шаҳридаги меҳмонхона фоесида узоқ кунлик сайловолди кампаниясидан сўнг Трамп жуда чарчаган кўринган. Унинг нутқида хатолар кўпайган. Жумладан, у Барак Обамани Жо Байден билан адаштирган. Баъзан одамларнинг исмларини, жой номларини ҳам чалкаштириб юборган.
“Унинг сезиларли даражада вазн йўқотиши ва озғин юзи туфайли Трамп Оzempis ёки Wеgovy каби машҳур вазн йўқотадиган дориларни қўллаётгани ҳақида миш-мишлар пайдо бўлганди”, — деб ёзади Bild нашри.
Изоҳ (0)