Pokiston Eron janubi-sharqidagi Sistan va Balujiston viloyatida “terrorchilarning boshpanalari”ga aviazarbalar berdi. Pokiston tashqi ishlar vazirligining bildirishicha, harbiy amaliyotlar natijasida bir necha jangari yo‘q qilingan.
Anadolu agentligi ma’lumotlariga ko‘ra, Pokiston armiyasi Pokiston va boshqa qator mamlakatlarda terrorchi sifatida tan olingan “Balujiston ozodlik armiyasi” harbiy tashkilotining yettita obyektiga hujum qilgan.
Sistan va Balujiston viloyatida joylashgan Seravon shahri yaqinida portlashlar sodir bo‘ldi, dedi gubernator o‘rinbosari Alirez Marhamati Mehr axborot agentligiga. Uning so‘zlariga ko‘ra, yetti kishi halok bo‘lgan — uch ayol va to‘rt bola, ular eronlik bo‘lmagan.
Siston va Balujiston Eronning ikkinchi yirik viloyati bo‘lib, Pokiston va Afg‘oniston bilan chegaradosh.
16-yanvar kuni Eron Islom inqilobi posbonlari korpusi Pokiston hududiga zarba bergandi; Tasnim xabariga ko‘ra, hujum nishoni “Jaysh al-Adl” terrorchilik guruhi qarorgohi bo‘lgan. Pokiston Tashqi ishlar vazirligi maʼlumotlariga ko‘ra, ikki bola halok bo‘lgan, yana uch kishi yaralangan.
Pokiston Tashqi ishlar vazirligi Eronga norozilik bildirib, Tehronning harakatlarini suverenitetni buzish deb atadi va jiddiy oqibatlarga olib kelishidan ogohlantirdi. Pokiston elchisi Erondan chaqirib olindi.
Izoh (0)