Покистон Эрон жануби-шарқидаги Систан ва Балужистон вилоятида “террорчиларнинг бошпаналари”га авиазарбалар берди. Покистон ташқи ишлар вазирлигининг билдиришича, ҳарбий амалиётлар натижасида бир неча жангари йўқ қилинган.
Anadolu агентлиги маълумотларига кўра, Покистон армияси Покистон ва бошқа қатор мамлакатларда террорчи сифатида тан олинган “Балужистон озодлик армияси” ҳарбий ташкилотининг еттита объектига ҳужум қилган.
Систан ва Балужистон вилоятида жойлашган Серавон шаҳри яқинида портлашлар содир бўлди, деди губернатор ўринбосари Алирез Марҳамати Меҳр ахборот агентлигига. Унинг сўзларига кўра, етти киши ҳалок бўлган — уч аёл ва тўрт бола, улар эронлик бўлмаган.
Систон ва Балужистон Эроннинг иккинчи йирик вилояти бўлиб, Покистон ва Афғонистон билан чегарадош.
16 январь куни Эрон Ислом инқилоби посбонлари корпуси Покистон ҳудудига зарба берганди; Tasnim хабарига кўра, ҳужум нишони “Жайш ал-Адл” террорчилик гуруҳи қароргоҳи бўлган. Покистон Ташқи ишлар вазирлиги маълумотларига кўра, икки бола ҳалок бўлган, яна уч киши яраланган.
Покистон Ташқи ишлар вазирлиги Эронга норозилик билдириб, Теҳроннинг ҳаракатларини суверенитетни бузиш деб атади ва жиддий оқибатларга олиб келишидан огоҳлантирди. Покистон элчиси Эрондан чақириб олинди.
Изоҳ (0)