Instagram sport: Karim Benzema yana O‘zbekistonga keladi, jahon chempioniga aylangan Magnus Karlsen, Hasanboy Do‘stmatovning chempionlik jangi O‘zbekistonda bo‘lishi mumkin

Jahon va o‘zbek sporti vakillarining ijtimoiy tarmoqlardagi sahifalariga joylashtirilgan qiziqarli foto va videolarni e’tiboringizga havola etamiz.

“Alg‘a!”

Bugun Osiyo Chempionlar Ligasi 1/8 finaliga qur’a tashlandi. Unga ko‘ra, “Nasaf” BAAning “Al-Ayn” jamoasiga qarshi, “Navbahor” esa “Al-Ittihod”ga qarshi bahs olib boradigan bo‘ldi.

Karim Benzema yana bir bor O‘zbekistonga tashrif buyuradigan bo‘ldi. 

“Al-Ittihod”ning Instagram sahifasidan.

Samarqandda bo‘lib o‘tayotgan shaxmat bo‘yicha jahon chempionatining rapid yo‘nalishi 12-turida o‘zbekistonlik Nodirbek Abdusattorov Magnus Karlsenga qarshi dona surdi. Grossmeysterlar o‘rtasidagi “jang” durang natija bilan yakunlandi. 

Samarqandda shaxmatning rapid va blits yo‘nalishi bo‘yicha jahon chempionatining rapid yo‘nalishidagi bahslar yakunlandi. Unga ko‘ra, norvegiyalik grossmeyster Magnus Karlsen (2818) 2023-yilgi rapid bo‘yicha jahon chempionatining mutlaq chempioniga aylandi.

Ikkinchi o‘rin esa Vladimir Fedoseyevga (2716) nasib etdi. Kuchli uchlikni Yangyi Yu (2699) yakunlab berdi.

Kilian Mbappedan bolakaylar uchun syurpriz.

IBA prezidenti Umar Kremlyov Hasanboy Do‘stmatov va ispaniyalik Samuel Karmona o‘rtasidagi chempionlik jangi qaysi mamlakatda o‘tishi kerakligi borasida so‘ramoqda. Ispaniya yoki O‘zbekistonda, deya savol bergan Kremlyov.