AQSH prezidenti Jo Bayden Britaniya qiroli Charlz III ning 6-mayga belgilangan toj kiyish marosimiga bormaydi, deb xabar berdi The Telegraph manbalari. Bunga yosh bilan bog‘liq muammolar sabab bo‘layotgani aytilmoqda. Baydenning o‘rniga rafiqasi Jill Buyuk Britaniyaga kelishi mumkin.
Manbaga ko‘ra, xorijiy sayohatlar Amerika prezidentidan “juda ko‘p energiya oladi”. “Ular asosiy narsalarga e’tibor qaratishga urinmoqda va qisqa vaqt ichida Atlantikani ikkinchi marta kesib o‘tish borasida ikki marta o‘ylayotgan bo‘lishi mumkin”, — dedi The Telegraph manbasi.
Britaniya gazetasi ta’kidlashicha, Qo‘shma Shtatlar Baydenning o‘rniga eng yuqori martabali vakillarini, jumladan, birinchi xonim Jill Baydenni yuborishga tayyor.
Tadbirda ishtirok etadigan davlat rahbarlari orasida Irlandiya, Fransiya, Ispaniya, Belgiya, Yaponiya, Vengriya va Monako rahbarlari, shuningdek, Yevrokomissiya raisi Ursula fon der Lyayen, Yevroparlament rahbari Roberta Metsola va Yevropa kengashi raisi Sharl Mishel bo‘ladi.
Jo Bayden 11-aprel kuni Shimoliy Irlandiyadagi Belfast shahriga keladi. U Belfast kelishuvi imzolanganining 25 yilligiga bag‘ishlangan tadbirlarda ishtirok etadi. Unda Bayden Charlz III bilan uchrashishi mumkinligi taxmin qilinmoqda. Shundan so‘ng, Bayden aprel oyi o‘rtalariga qadar Dublinga boradi.
Izoh (0)