Andijon viloyatida qalbaki AQSH dollarini sotayotgan shaxslar ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Unga ko‘ra, holat Bosh prokuratura huzuridagi departament hamda DXXning Andijon viloyati boshqarmalari tomonidan o‘tkazilgan tezkor tadbirda aniqlangan. Fuqarolar J.R. va F.O. qalbaki 2 000 AQSH dollarini fuqaro G.K.ga 20 million so‘mga sotishga kelishib, shundan 18 dona 100 AQSH dollarlik qalbaki kupyuralarni berib, evaziga 1 200 AQSH dollari va 5 million so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)