Farg‘onada qurilishi tugallanmagan bino yonidan 2023-yilning iyulida 11 yoshli qizning murdasi zo‘rlash va qotillik alomatlari bilan topilgandi. Farg‘ona viloyati sudlari matbuot xizmati jinoyatda aybli deb topilganlarga qanday jazo tayinlanganini e’lon qildi.
15-yanvar kuni jinoyat ishlari bo‘yicha Farg‘ona shahar sudida sudlanuvchilar B.X., M.S. va D.A.ga oid jinoyat ishi yopiq sud majlisida ko‘rib chiqilgan.
Sud hukmi bilan sudlanuvchi, voyaga yetmagan M.S.ga Jinoyat kodeksi 25,97-moddasi (qasddan odam o‘ldirish) 2-qismining “v,z,o” bandlari, 118-moddasining 4-qismi (nomusga tegish), 119-moddasining 4-qismi (jinsiy ehtiyojni zo‘rlik ishlatib g‘ayritabiiy usulda qondirish) bilan ushbu kodeksning 85-moddasi hamda 59-moddasining 3-qismi tartibida 14 yilga ozodlikdan mahrum qilish jazosi tayinlangan.
Yana bir voyaga yetmagan sudlanuvchi D.A. ham xuddi shu moddalar bilan 13 yilga ozodlikdan mahrum etilgan.
Uchinchi sudlanuvchi B.X. esa M.S. va D.A. tomonidan sodir etilgan o‘ta og‘ir jinoyatlar haqida aniq bilgani holda huquqni muhofaza qiluvchi organ xodimlariga aytmasdan, jinoyatni yashirgani uchun Jinoyat kodeksining 241-moddasi 2-qismi bilan kvalifikatsiya qilinib, 2 yilga ozodlikni cheklash jazosi tayinlangan.
Izoh (0)