Андижон вилоятида қалбаки АҚШ долларини сотаётган шахслар ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Унга кўра, ҳолат Бош прокуратура ҳузуридаги департамент ҳамда ДХХнинг Андижон вилояти бошқармалари томонидан ўтказилган тезкор тадбирда аниқланган. Фуқаролар Ж.Р. ва Ф.О. қалбаки 2 000 АҚШ долларини фуқаро Г.К.га 20 миллион сўмга сотишга келишиб, шундан 18 дона 100 АҚШ долларлик қалбаки купюраларни бериб, эвазига 1 200 АҚШ доллари ва 5 миллион сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)