Niderlandiya BMTning G‘azo sektorini qayta tiklash va gumanitar masalalar bo‘yicha katta koordinatori Sigrid Kag boshchiligidagi missiyaga 5 million yevro ajratmoqda. Bu haqda tashqi savdo va rivojlanish vaziri Jefri van Liven ma’lum qildi.
G‘azo bo‘yicha koordinator tayinlanishi BMT Xavfsizlik Kengashining dekabr oyida qabul qilingan 2720-rezolyutsiyasi talablaridan biridir. Rezolyutsiyaga ko‘ra, BMT koordinatori “G‘azo sektorida yordam berish, monitoring va tekshirish” uchun mas’uldir.
Unga Falastin anklavida Xavfsizlik Kengashi belgilagan funksiyalarni bajarish uchun zarur xodimlar va jihozlar taqdim qilinadi. Koordinator BMT Xavfsizlik Kengashiga 20 kun ichida, so‘ngra har 90 kunda (2024-yil 30-sentyabrgacha) o‘z ishi haqida hisobot berishi kerak bo‘ladi. Sigrid Kag o‘z vazifasini 8-yanvarda boshlagan.
Oxirgi uch oy ichida Niderlandiya G‘azo sektoriga taxminan 50 million yevro yordam ko‘rsatdi. Biroq, mamlakat BMTning o‘t ochishni to‘xtatishga chaqirish bo‘yicha rezolyutsiyalariga ovoz berishda betaraf qolgan.
Izoh (0)