Samarqand viloyati Jomboy tumanida daryo bo‘yidagi to‘qayzorda yong‘in sodir bo‘ldi. Viloyat FVB holat yuzasidan dastlabki ma’lumotlarni taqdim etdi.
Xabar berilishicha, bugun, 13-yanvar kuni soat 16:30 larda Jomboy tumani “Olmazor” MFYda hududidan o‘tuvchi Zarafshon daryosi bo‘yidagi to‘qayzorda yong‘in sodir bo‘layotgani to‘g‘risida tuman FV bo‘limiga xabar kelib tushgan.
Yong‘inni bartaraf etishga FVBning 6 ta yong‘in-qutqaruv ekipaji jalb etilgan. Hodisa oqibatida tan jarohati olgan va halok bo‘lganlar to‘g‘risida xabarlar kelib tushmagan.
Hozirda FVB xodimlari tomonidan yong‘inni bartaraf etish ishlari olib borilmoqda Bu haqda qo‘shimcha ma’lumot taqdim etilishi aytilgan.
Izoh (0)