Самарқанд вилояти Жомбой туманида дарё бўйидаги тўқайзорда ёнғин содир бўлди. Вилоят ФВБ ҳолат юзасидан дастлабки маълумотларни тақдим этди.
Хабар берилишича, бугун, 13 январь куни соат 16:30 ларда Жомбой тумани “Олмазор” МФЙда ҳудудидан ўтувчи Зарафшон дарёси бўйидаги тўқайзорда ёнғин содир бўлаётгани тўғрисида туман ФВ бўлимига хабар келиб тушган.
Ёнғинни бартараф этишга ФВБнинг 6 та ёнғин-қутқарув экипажи жалб этилган. Ҳодиса оқибатида тан жароҳати олган ва ҳалок бўлганлар тўғрисида хабарлар келиб тушмаган.
Ҳозирда ФВБ ходимлари томонидан ёнғинни бартараф этиш ишлари олиб борилмоқда Бу ҳақда қўшимча маълумот тақдим этилиши айтилган.
Изоҳ (0)