Rossiyaning Afinadagi elchixonasiga noma’lum kukun solingan shubhali konvert yuborildi, deb xabar bermoqda Gretsiyaning ERT telekanali.
Psixiko hududida joylashgan elchixona binosiga politsiya va favqulodda xizmatlar yetib kelgan. Ofatlarga qarshi maxsus guruh ham voqea joyiga kelgan.
Rossiya diplomatlari hozircha ma’lumotga izoh bermagan.
Rossiyaning turli mamlakatlardagi diplomatik vakolatxonalari 2023-yilda kamida ikki marta shubhali paketlar oldi. Yanvar oyida Rossiyaning Rigadagi elchixonasiga noma’lum modda solingan posilka tufayli Latviya politsiyasi chaqirilgandi, fevral oyida Ruminiya hukumati Rossiyaning Buxarestdagi elchixonasiga kelgan shubhali konvertni tekshirish uchun musodara qilganini ma’lum qilgandi.
Izoh (0)