Arxeologlar Peru poytaxti Lima shahri janubidagi badavlat Miraflores aholi tumanida ming yillik mumiyoni topdi, deb xabar bermoqda Reuters arxeologlar guruhi rahbari Mirella Ganozaga tayanib.
“Bu oyoqlarini bukib o‘tirgan katta yoshli odam jasadi”, — dedi Ganoza agentlikka. “Mumiyoning sochlari uzun, jag‘i deyarli to‘liq saqlanib qolgan”.
Qoldiqlar tumandagi Uak Puklyan hududidan topilgan, deb yozadi agentlik. Jasad yonidan arxeologlar sopol idishlar, matolar va boshqa narsalarni topdi, dedi Ganoza.
Mumiyoga aylangan odam ming yil oldin, zamonaviy Peruning markaziy qirg‘og‘ida inklar kelishidan oldin rivojlangan Ichsma madaniyatining gullab-yashnagan davrida yashagan bo‘lishi mumkin, deb tushuntirdi ekspert.
Ichsma — Lima janubidagi Lurin vodiysida paydo bo‘lgan Janubiy Amerikaning mahalliy madaniyati va shtati. Ichsma davlati miloddan avvalgi 1100-yilda paydo bo‘lgan. 1440—1470-yillarda Inka imperiyasi tomonidan egallab olingan.
Izoh (0)